ប្រវត្តិ ខៀវ ប៉ុណ្ណារី ភរិយារបស់មេដឹកនាំខ្មែរក្រហមប៉ុល ពត

ខៀវ ប៉ុណ្ណារី ជាភរិយាដំបូងរបស់មេដឹកនាំខ្មែរក្រហមប៉ុល ពត កើតនៅថ្ងៃទី៣ ខែកុម្ភៈ ឆ្នាំ១៩២០ ក្នុងខេត្តបាត់ដំបង ជាកូនមន្រ្តីតុលាការ ។

ប្រវត្តិ ខៀវ ប៉ុណ្ណារី ភរិយារបស់មេដឹកនាំខ្មែរក្រហមប៉ុល ពត

ដោយឈឹម សេរីភួន ៖ ខៀវ ប៉ុណ្ណារី ជាភរិយាដំបូងរបស់មេដឹកនាំខ្មែរក្រហមប៉ុល ពត កើតនៅថ្ងៃទី៣ ខែកុម្ភៈ ឆ្នាំ១៩២០ ក្នុងខេត្តបាត់ដំបង ជាកូនមន្រ្តីតុលាការ ។ គាត់បានចូលសិក្សានៅវិទ្យាល័យព្រះស៊ីសុវត្ថិ។ ខៀវ ប៉ុណ្ណារី គឺជាស្រ្តីកម្ពុជាទីមួយដែលបានទទូលសញ្ញាបត្រមធ្យមសិក្សាទុតិយភូមិ(បាក់ឌុប) ដំបូងគេបង្កអស់។
នៅក្នុងឆ្នាំ១៩៤៩ គាត់បានចាកចេញ ពីប្រទេសកម្ពុជា ជាមួយនឹងប្អូនស្រីរបស់គាត់(ខៀវ ធីរិទ្ធ ប្រពន្ធអៀង សារី) ទៅកាន់ទីក្រុងប៉ារីស ដើម្បីសិក្សាផ្នែកអក្សរសាស្ត្រ។ នៅទីក្រុងប៉ារីស គាត់បានស្គាល់គ្នាជាមួយ សាឡុត ស (ប៉ុល ពត) និងអៀង សារី ដែលទៅសិក្សានៅទីនោះដែរ ហើយប្អូនស្រីគាត់ ខៀវ ធីរិទ្ធបានរៀបការជាមួយអៀង សារី នៅក្នុងឆ្នាំ១៩៥០ ហើយបានប្តូរឈ្មោះទៅជា អៀង ធីរិទ្ធ។
ខៀវ ប៉ុណ្ណារី

ពេលខៀវ ប៉ុណ្ណារី ត្រលប់មកប្រទេសកម្ពុជាវិញ គាត់បានបម្រើការងារជាសាស្រ្តាចារ្យ នៅវិទ្យាល័យស៊ីសុវត្ថិ និងឃោសនាអូសទាញសិស្សនិងប្រជាជនឲ្យយល់ដឹងពីបដិវត្តន៍ ហើយគាត់បានរៀបការជាមួយសាឡុត ស (ប៉ុល ពត) ដែលអំឡុងពេលនោះធ្វើជាគ្រូបង្រៀននៅវិទ្យាល័យឯកជនមួយឈ្មោះ ចម្រើនវិជ្ជា។
ក្នុងខែកក្កដា ឆ្នាំ១៩៦១ ខៀវ ប៉ុណ្ណារី បានបង្កើតអង្គការស្រ្តីកុម្មុយនីស្តសម្ងាត់មួយ ហើយបានធ្វើសកម្មភាភតស៊ូបដិវត្តន៍ដោយលួចលាក់។ ឆ្នាំ១៩៦៦ ខៀវ ប៉ុណ្ណារី បានលះបង់ការងារជាសាស្ត្រាចារ្យ នៅវិទ្យាល័យស៊ីសុវត្ថិ និងផ្ទះសម្បែង ភៀសខ្លួនចូលព្រៃដើម្បីរួមចំណែកតស៊ូធ្វើរបដិវត្តន៍ជាមួយសាឡុត ស (ប៉ុល ពត) ជាប្ដី។
ក្នុងព្រៃ ខៀវ ប៉ុណ្ណារី នៅតែបន្តសរសេរអត្ថបទដើម្បីបោះពុម្ពផ្សព្វផ្សាយឃោសនាគោលនយោបាយបដិវត្តន៍អូសទាញប្រជាជន ដោយលួចលាក់នៅតាមតំបន់ជនបទនានា។
ពីឆ្នាំ១៩៦៥-៦៧ ខៀវ ប៉ុណ្ណារី បានធ្វើសកម្មភាពយ៉ាងខ្លាំងក្នុងការចូលរួមចលនាតស៊ូក្នុងព្រៃជាមួយថ្នាក់ដឹកនាំកំពូល និងចូលរួមស្ទើរតែគ្រប់ការប្រជុំរៀនសូត្រពីគោលនយោបាយបដិវត្តន៍របស់កម្មាភិបាលខ្មែរក្រហម ដែលមកពីគ្រប់តំបន់ និងភូមិភាគ។
ឆ្នាំ១៩៧១ ខៀវ ប៉ុណ្ណារី ទទួលបន្ទុកភារកិច្ចមួយផ្សេងទៀត គឺប្រធានគ្រប់គ្រងនារី និងកុមារ ប្រចាំការនៅភូមិភាគឧត្តរ។ ក្នុងចំណោមនោះមាននារី ឡេង ស៊ឹមហាក់ ហៅ សី ជាប្រពន្ធរបស់ ទីវ អុល ហៅ ពេញ ជាគ្រប់គ្រងមន្ទីរកុមារ ។ ក្រោយរំដោះបានទីក្រុងភ្នំពេញ ថ្ងៃទី១៧ ខែមេសា ឆ្នាំ១៩៧៥ ឡេង ស៊ឹមហាក់ ក្លាយជាប្រធានមន្ទីរ១៧មេសា (ពេទ្យរុស្ស៊ី) ។ ក្រោយមកត្រូវអង្គការចាប់មកដាក់គុកទួលស្លែងនៅឆ្នាំ១៩៧៦។
ចំណែក នារីវ៉ាឡាន ហៅ សាយ និង ហៅ យាត ជាប្រពន្ធរបស់ ហ៊ូ នឹម មានតួនាទីជាអនុប្រធានកុមារ។ នារីទូច ជាប្រពន្ធ តូច ភឿន ជាសមាជិកមន្ទីរកុមារ។ នារីមិត្ត ជាប្រពន្ធរបស់ ហ៊ូ យន់ ជាសមាជិកមន្ទីរ។ ខៀវ ប៉ុណ្ណារី បានបង្កើនចលនាយ៉ាងខ្លាំង ក្នុងការអូសទាញ និងប្រមូលនារីនៅតាមតំបន់នានាបានយ៉ាងច្រើន ដើម្បីចូលរួមក្នុងបដិវត្តន៍។ ក្នុងឆ្នាំ១៩៧៣ ខៀវ ប៉ុណ្ណារី បានក្លាយជាលេខាបក្សតំបន់៤៣ នៅភូមិភាគឧត្តរ។
ក្រោយរំដោះបានទីក្រុងភ្នំពេញ ថ្ងៃទី១៧ ខែមេសា ឆ្នាំ១៩៧៥ ខៀវ ប៉ុណ្ណារី ត្រូវបានតែតាំងជាប្រធានសមាគមនារីកម្ពុជាប្រជាធិបតេយ្យ ប៉ុន្តែគាត់មិនបានបង្ហាញខ្លួនជាសាធារណៈជាមួយថ្នាក់ដឹកនាំកំពូលៗដទៃទៀតឡើយ ហើយពុំឃើញមានសកម្មភាពអ្វីគួរឲ្យកត់សម្គាល់ដូចជា អៀង ធិរិទ្ធ ប្អូនស្រីរបស់គាត់ឡើយ។ មតិខ្លះសន្និដ្ឋានថា ខៀវ ប៉ុណ្ណារី មានរោគសរសៃប្រសាទ ហើយក្លាយខ្លួនទៅជនពិការ។
ចាប់ពីថ្ងៃទី២៨ ខែសីហា ដល់ថ្ងៃទី០៤ ខែកញ្ញា ឆ្នាំ១៩៧៦ គណៈប្រតិភូសមាគមនារីកម្ពុជាប្រជាធិបតេយ្យមួយក្រុម មានគ្នា៥នាក់ ត្រូវបានចាត់តាំងឲ្យទៅបំពេញទស្សនកិច្ចនៅសាធារណរដ្ឋសង្គមនិយមវៀតណាម ប៉ុន្តែគ្មានវត្តមាន ខៀវ ប៉ុណ្ណារី ដែលជាប្រធានសមាគមឡើយ គឺនារីស៊ឹម ឡេងហាក់ ហៅ សី ប្រធានមន្ទីរពេទ្យ១៧ មេសា ជាអ្នកដឹកនាំគណៈប្រតិភូជំនួសវិញ។
ខៀវ ប៉ុណ្ណារី

ក្រោយពីរបបកម្ពុជាប្រជាធិបតេយ្យដួលរលំ នៅដើមឆ្នាំ១៩៧៩ ខៀវ ប៉ុណ្ណារី បានទៅព្យាបាលជំងឺសសៃប្រសាទនៅប្រទេសចិន ប៉ុន្តែជំងឺរបស់គាត់មិនអាចព្យាបាលបា ក៏បញ្ជូនឲ្យវិលត្រឡប់មកប្រទេសកម្ពុជាវិញ។
ចន្លោះឆ្នាំ១៩៧៩-១៩៨០ មានការលេចឮថា ខៀវ ប៉ុណ្ណារី ត្រូវបានប៉ុងប៉ងធ្វើឃាតដោយដាក់ថ្នាំបំពុល ហើយបញ្ជូនទៅសង្គ្រោះបន្ទាន់នៅមន្ទីរពេទ្យក្នុងប្រទេសថៃ។ ក្រោយពេលអៀង សារី ចុះចូលជាមួយរាជរដ្ឋាភិបាលក្នុងឆ្នាំ១៩៩៦ ខៀវ ប៉ុណ្ណារី នៅរស់នៅឡើយទេ ហើយក្លាយជាជនវិកលចរិតនិងពិការអង្គុយលើរទេះរុញ ក្រោមការបីបាច់ពីក្រុមគ្រួសារអៀង សារី និងអៀង ធិរិទ្ធ ។
នៅក្នុងឆ្នាំ១៩៨២ ប៉ុល ពត និង ខៀវ ប៉ុណ្ណារី គ្មានកូនទេ ហើយបានលែងលះគ្នា ។ ក្រោយមក ប៉ុល ពត បានរៀបការជាមួយស្ត្រីម្នាក់ទៀតឈ្មោះ មាស សោម ដែលមានអាយុ៤០ឆ្នាំ បង្កើតបានកូនស្រីម្នាក់ឈ្មោះ ស ពុទ្ធចតា ។
ខៀវ ប៉ុណ្ណារី ដែលបានតស៊ូរស់ជាមួយនឹងជំងឺសរសៃប្រសាទរបស់គាត់អស់រយៈពេលជាងពីរទសវត្សរ៍ និងដោយសារភាពចាស់ជរា និងជំងឺមហារីកទន្ទ្រានអស់រយៈពេលយូរណាស់មកហើយនោះ បានទទួលមរណភាពនៅថ្ងៃទី០១ ខែកក្កដា ឆ្នាំ២០០៣ នៅក្រុងប៉ៃលិន។
ខៀវ ប៉ុណ្ណារី

ពីធីបូជាសពរបស់ ខៀវ ប៉ុណ្ណារី បានប្រព្រឹត្តទៅនៅព្រឹកថ្ងៃព្រហស្បតិ៍ ទី៣ ខែកក្កដា ឆ្នាំ២០០៣ ក្នុងវត្តកោងកាងកណ្តាលទីក្រុងប៉ៃលិនដោយមានមនុស្សប្រមាណ៥០០នាក់ចូលរួមដែលមានព្រះសង្ឃ កងកម្លាំងប្រដាប់អាវុធ អតីតមេដឹកនាំខ្មែរក្រហម ក្នុងនោះមាន អៀង សារី ដែលត្រូវជាប្អូនថ្លៃ, នួន ជា និង ខៀវ សំផន ផងដែរ ៕

COMMENTS

BLOGGER
Name

Khmer comic,10,កំណាព្យ,3,កំនត់ហេតុ ជីវ តាក្វាន់,2,គតិលោក ឬច្បាប់ទូន្មានខ្លួន ភាគ១,7,គតិលោក ឬច្បាប់ទូន្មានខ្លួន ភាគ២,6,ចំរៀងខ្មែរ,2,ច្បាប់ទូន្មាន,32,ជីវៈប្រវត្តិជនសំខាន់ៗ,21,តារាសម្តែង,9,តែមប្រៃសណីយ៍,9,ទំនាយមហាសង្ក្រាន្ដ,1,ប្រលោមលោក,26,ប្រវត្ដិសាស្ដ្រខ្មែរ ភាគរឿងព្រេងនិទាន,13,ប្រវត្ដិសាស្ត្រខ្មែរតាមសិលាចារឹក,29,ប្រាសាទបុរាណ,9,ផ្សេងៗ,56,ពាក្យបណ្តៅ,2,ភាសាខ្មែរ,2,ភ្លេង​ខ្មែរ,12,មហាក្សត្រខ្មែរ,5,របាំ,1,រឿងបកប្រែពីភាសាបរទេស,1,រឿងព្រេងខ្មែរ,145,រឿងព្រេងខ្មែរភាគ១,34,រឿងព្រេងខ្មែរភាគ២,22,រឿងព្រេងខ្មែរភាគ៣,52,រឿងព្រេងខ្មែរភាគ៤,12,រឿងព្រេងខ្មែរភាគ៥,11,ល្បែងប្រជាប្រិយ,2,វចនានុក្រម,3,វប្បធម៏ និងប្រពៃណី,13,សិល្បៈ​​,9,សុភាសិតខ្មែរ​អធិប្បាយ ភាគ១,5,ស្ថាបត្យកម្ម,4,ឯកសារប្រវត្តិសាស្ត្រ,19,
ltr
item
Khmer Legend (រឿងព្រេងខ្មែរ): ប្រវត្តិ ខៀវ ប៉ុណ្ណារី ភរិយារបស់មេដឹកនាំខ្មែរក្រហមប៉ុល ពត
ប្រវត្តិ ខៀវ ប៉ុណ្ណារី ភរិយារបស់មេដឹកនាំខ្មែរក្រហមប៉ុល ពត
ខៀវ ប៉ុណ្ណារី ជាភរិយាដំបូងរបស់មេដឹកនាំខ្មែរក្រហមប៉ុល ពត កើតនៅថ្ងៃទី៣ ខែកុម្ភៈ ឆ្នាំ១៩២០ ក្នុងខេត្តបាត់ដំបង ជាកូនមន្រ្តីតុលាការ ។
https://1.bp.blogspot.com/-zf7D2QUXvq8/XM6mjEgafXI/AAAAAAAAA2Q/rChVNGIuCyYwUzSoNUyhaZZpS6H2pdVwwCLcBGAs/s640/Untitled-1-40.jpg
https://1.bp.blogspot.com/-zf7D2QUXvq8/XM6mjEgafXI/AAAAAAAAA2Q/rChVNGIuCyYwUzSoNUyhaZZpS6H2pdVwwCLcBGAs/s72-c/Untitled-1-40.jpg
Khmer Legend (រឿងព្រេងខ្មែរ)
http://www.khmerlegend.com/2019/05/PolPot-wife.html
http://www.khmerlegend.com/
http://www.khmerlegend.com/
http://www.khmerlegend.com/2019/05/PolPot-wife.html
true
1426906373484597258
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy